突然回想一班星加玻的紅眼班。
在經濟艙當值，除了捱眼訓之外，這班機其實好輕鬆的，畢竟零晨起飛，乘客都訓到閪咁。當我們在galley捽眼屎時，Y3問我到了outport有沒有plan，我說「嗯應該是訓醒食個饟豆腐加個喇沙然後繼續睡吧。」
此時Y3一臉塞錢入我袋的眼神，說了一句，「呀妹，你咁頹廢唔得架」「我要去睇下我間舖呀」「我喺呢邊都有舖頭，主要做美容保養，最近仲開發左隻supplement可以提高腦部效能仲可以抗衰老，你一齊上黎睇下丫？」「你睇下你浪費曬啲時間啦」「你睇下我，通宵都唔攰架。」
我一路打住喊露一路認廢青，堅守我去到outport一定要耍廢既原則，Y3最後都無功而回，一面惋惜，覺得我實在太無大志。
然後返黎嗰程我同呀哥一齊坐 ，landing嗰陣望住聲稱日理萬機捱夜都唔攰既Y3 對住d客恰眼訓，訓到呀哥打去Door 3都嗌佢唔醒，最後要Y1除安全帶過去拍醒佢。
真係得啖笑。
其實做左咁耐crew，我覺得人各有志，你有你覺得好我有我覺得妙，最緊要識尊重人。又其實好多野比你吹到天花龍鳳又如何，做人對自己誠實啲好，吹到咁大，咪又係柒左。
P.S 身體健康，日日在家撚狗，每日見到d外賣盒覺得地球要爆炸了好罪孽深重。
Search